Khush Tha Main Khuda Ke Insaaf Se Magar
Na Jaane Kyun Aankhon Mein Nami Si Rah Gayee.
Rakhta Tha Pagdandion Mein Kadam Funk Funkkar
Phir Bhi Thokren Hi Umra Bhar Ko Apni Si Rah Gayee.
Rah Gaya Rishta Bas Kadmo Mein Lage Dhool Se
Ke Zindagi Ke Har Sanjog Ajnabi Si Rah Gayee.
Main Janata Tha Bevafai Ke Siva Vo Kuch De Na Pate
Phir Bhi Dil Ko Unse Vafa Ki Aarzoo Si Rah Gayee.
Pagal, Ziddi Badal Ki Tarah Barasta Raha Phir Bhi
Mere Daman Mein Har Phool Sukhi Si Rah Gayee.
Saja Leta Tha Ghar Ke Har Kono Ko Payalon Ki Jhankar Se
Phir Bhi Raat Ke Har Pichle Pahar Tanhai Si Rah Gayee.
Sula Deta Tha Nazron Ko Ye Kahkar Ke Tu Aayegi Khabo Mein
Par Meri Nazron Mein Tu To Harjayee Si Rah Gayee.
Vo Patjhad Ka Mahina Ho Ya Sawan Ki Koi Raat
Apni To Har Mousam Tujhse Judaiii Si Rah Gayee.
Hum The Tumhare Sahare, Aur Tumhare Hi Kano Mein
Hamari Har Aawaaz Ansuni Si Rah Gayee.
No comments:
Post a Comment